Молитва родителей о детях, находящихся на воинской службе

О нескольких детях

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере услы́ши мя, недосто́йнаго раба́ Твоего́, со упова́нием к Тебе́ приходя́щаго. Спаси́, Го́споди, и поми́луй де́ти на́ша (имя), и́хже жи́зни суть в ми́лостивой вла́сти Твое́й. Прости́ им вся согреше́ния во́льная и нево́льная, наста́ви их ходи́ти путе́м и́стины Твоея́ и просвети́ их све́том за́поведей Твои́х. Благослови́, Го́споди, слу́жбу их воинскую, на су́ше, возду́се, в мо́ри и на вся́ком ме́сте влады́чества Твоего́. Вложи́ в се́рдце их хра́брость и всеце́лое упова́ние на волю Твою́. Укрепи́ их душе́вныя и теле́сныя си́лы ко исполне́нию служе́ния, любве́ к бли́жним ра́ди несо́маго. Огради́ их си́лою Честно́го и Животворя́щаго Креста́ Твоего́ от вся́каго ору́жия смертоно́сна и ме́ста губи́тельна, даждь им избегнути плене́ния вра́жия и от бли́жних преда́тельства. Здра́вы и благополучны возврати́ их в дом о́тчий да ми́рное и безгре́шное житие́ соверша́т во сла́ву Твою́ и Ца́рствие Твое́ Небе́сное насле́дят. Ами́нь.*

Об одном ребёнке

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере услы́ши мя, недосто́йнаго раба́ Твоего́, со упова́нием к Тебе́ приходя́щаго. Спаси́, Го́споди, и поми́луй ча́до на́ше (имя), его́же жизнь есть в ми́лостивой вла́сти Твое́й. Прости́ ему́ вся согреше́ния во́льная и нево́льная, наста́ви его́ ходи́ти путе́м и́стины Твоея́ и просвети́ его́ све́том за́поведей Твои́х. Благослови́, Го́споди, слу́жбу его́ воинскую, на су́ше, возду́се, в мо́ри и на вся́ком ме́сте влады́чества Твоего́. Вложи́ в се́рдце его хра́брость и всеце́лое упова́ние на волю Твою́. Укрепи́ его́ душе́вныя и теле́сныя си́лы ко исполне́нию служе́ния, любве́ к бли́жним ра́ди несо́маго. Огради́ его́ си́лою Честно́го и Животворя́щаго Креста́ Твоего́ от вся́каго ору́жия смертоно́сна и ме́ста губи́тельна, даждь ему́ избегнути плене́ния вра́жия и от бли́жних преда́тельства. Здра́ва и благополу́чна возврати́ его́ в дом о́тчий да ми́рное и безгре́шное житие́ соверши́т во сла́ву Твою́ и Ца́рствие Твое́ Небе́сное насле́дит. Ами́нь.*